New Delhi, 12 November: Indian Institutes of Management (IIMs) deh MBA programmes deh admission nemide Common Admission Test (CAT) toh November 24 direk deh lobo. CAT ke toh MBA programs deh admission lobo nemide pre-requisite manae. Etu toh computer-based management aptitude test ase aro etu toh hotai sal loi. Etu para management post graduate programmes deh admission deh candidates junae.
CAT deh Verbal Ability and Reading Comprehension, Data Interpretation and Logical Reasoning and Quantitative Aptitude melikena ase.
Exam toh eki din deh tuita sessions deh lobo. IIM Kozhikode toh CAT 2019 laga co-ordinating institute ase. IIMs deh admissions kuribo nemide personal interview, written test nahoile group discussions aro CAT deh scores pabo lakae.
Desh deh 20 IIMs ase aro etu laga ke tuita toh sobse purana wala ase. IIM Ahmedabad aro IIM Calcutta toh 1961 deh bona laga ase. IIMs deh 15% seats toh SC candidates nemide, 7.5% seats toh ST candidates nemide, 27% seats toh NC-OBC candidates nemide aro 10% seats toh EWS candidates nemide reserve ase. CAT nemide admit cards toh October deh olaise.
Add Comment