Mumbai, 26 October : Yash Raj Films (YRF) 26 October te Ahaan Panday aru Sharvari laga upcoming film Beparwah laga title aru first poster release korise. Ali Abbas Zafar direct kora itu film romantic action drama hobo. Poster te Ahaan aru Sharvari ke ekjon dusra jon laga forehead logot thaka dekha jai. Ahaan laga haat te gun aru Sharvari laga haat te guitar ase, juntu film te romance, action aru music thakibo pare kuina hint dise.
Film tu Aditya Chopra produce korise aru worldwide cinema hall te 26 March 2027 release hobo. Itu Ahaan Panday laga Saiyaara pichete next major film, aru Sharvari logot tai first time screen share koribo. Ali Abbas Zafar age Sultan aru Tiger Zinda Hai nisina film direct korise. Film laga story aru supporting cast laga bishi details etiya reveal kora nai.
