KENDRAPARA, SEPTEMBER 10 : Supreme Court pora moda-moda morom-baji pora mela-mele thaka toh eku biya kotha nahui (not crime) koi kena janaidiya bejete. Transgender Community pora ahke Gazetted Sorkar Officer nemite thaka toh shathi hobole ase. Etubi Odisha state laga.
September moina darek 6 te Supreme Court pora IPC laga bitorte Section 377 kanoon toh hataidese. Etu pora LGBTQ (Lesbian, Gay, Bisexual, Transgender aro Queer) Community kan ke rasta bhal kuridiya huise koise.
Etu Transgender shathi kuribole thaka toh Aishwarya Rutuparna Pradhan ase. Aro tai toh moda pora maiki nemite huijua laga ase. Ahkete tai laga naam toh Ratikanta Pradhan thakise. Huilebi tai maiki nemite huijua bejete naam botli kuridese koise. Aro tai kahani te naam ekta bhal huikena thaka toh tai Odisha state te etu Transgender Community pora ahke State Civil Servant nemite hua laga ase. Aro tai edia toh Commercial Tax Officer (CTO) nemite Paradip jaka te kam kurikena ase koise.
Add Comment