New Delhi, 6 August : India 2026 te Saudi Arabia te hobo laga AFC U17 Asian Cup laga Qualifiers te host thaka 7 ta desh majot ekta hobo. Event laga sob match Ahmedabad te thaka Arena stadium te khela hobo, aru itu November 22 pora 30, 2025 te schedule kora ase.
Qualifiers laga draw August 7, 2025 te hobo.
Qualifiers te total 38 ta desh participate koribo, aru etu khan ke 7 ta group te divide kora hobo — tinta group te 6 team thakibo aru char ta group te 5 team thakibo.
Group winner khan AFC U17 Asian Cup Saudi Arabia 2026 karone qualify koribo. Itu tournament te FIFA U17 World Cup Qatar 2025 karone directly qualify kora 9 jon AFC team khan already join kori thakibo.
38 team khan ke chhota pot (Pot 1 to Pot 6) te divide kora ase seeding aru pot allocation principle hisab te, juntu team laga pichla tin ta tournament — 2025, 2023 aru 2018 — laga performance upor te based ase.
India Pot 2 te ase, kintu karon tai host ase, tai draw karone ekta alag Hosts Pot te bhi rakha hobo jate sob host desh alag-alag group te jaibo pare. Dusra 6 jon host ase: China PR, Vietnam, Thailand, Myanmar, Kyrgyz Republic aru Jordan — aru etu sob India laga group te nahibo.
AFC U17 Asian Cup Saudi Arabia 2026 Qualifiers Draw karney pots :
Pot 1: Australia, Yemen, IR Iran, Oman, Thailand
Pot 2: Afghanistan, Malaysia, Iraq, Bangladesh, Laos, Kuwait
Pot 3: Singapore, Bahrain, Philippines, Turkmenistan, Palestine
Pot 4: Syria, Mongolia, Cambodia, Hong Kong, Chinese Taipei, Brunei Darussalam
Pot 5: Nepal, Northern Mariana Islands, Guam, Maldives, Timor-Leste, Lebanon
Pot 6: Macau, Sri Lanka, Pakistan
Hosts Pot: China PR, Vietnam, Thailand, India, Myanmar, Kyrgyz Republic, Jordan.
Qualifiers Dates: November 22-30, 2025
Venue: The Arena, Ahmedabad.
Add Comment