AIBA Women’s World Boxing Championships: Sonia Quarterfinals te ghussise

AGENCIES , NOVEMBER 19 2018 : AIBA Women’s World Boxing Championships te India khan fifth din te   bhal kurishe  .Etu te sania pora  quater final te ghussise   porana  world champion Stanimira Petrova 57 kg category te haraikena Monday din te  .Etu jita pora   Sonia toh third wala Indian boxer ase quarterfinal te ghussa toh  Manisha Maun aro MC Mary Kom jita pichede  .Etu bout laga akhe wala round te bhal pora nekhela kena   Sonia wapas ahise etu khel te  break huwa pichede .Etu bi  Indian coach Raffaele Bergamasco pora ti ke mon dangor kuridikena .Sunday din te  Mary Kom pora Kazakhstan laga Aigerim Kassenayeva ke  women’s light flyweight (48 kg) category te haraidishe  quarterfinals te ghussibole karne .Etu  2018 Commonwealth Gold medallist pora etu jita toh  5-0 decision pora thakishe  .Hoilebi mon olop dukh thakishe  Sarita Devi Ireland laga  Kellie Anne Harrington logote women’s lightweight 60 kg category 2-3 decision pora harijaishe .Sunday din laga dusra khel te Assam’s Lovlina Borgohain pora  Panama’s Atheyna Bylon ke  5-0 pora haraidishe   69 kg women’s welter-weight category te pre-quarters stage ghussibole karne  .Aro  Bhagyabati Kachar pora  Germany’s Irina-Nicoletta Schonberger ke  81 kg women’s light heavyweight category te 4-1 split decision pora jitishe .