AIBA Women’s World Championships te Sonia Lather Pre-Quarterfinals ghussise

NEW DELHI :New Delhi laga  Indira Gandhi Sports Complex te luwa  AIBA Women’s World Boxing Championships te Indian boxer Sonia Lather pre-quarterfinals te ghussise  .Etu tournament lag 3^rd din de Sonia pora  Morocco  laga Toujani Doaa ke  57 kg Women’s Featherweight category te 5-0 pora haraidisheEtu 21 sal maiki toh first round te bye paikena second round te ghussise .Sonia pora tai laga Morroccan opponent logote bishi bhal pora khelishe second match te aro unanimous verdict pora jetishe.Sonia toh ekta gold medal pabole laga maiki ekta ase 57-kg Fomen’s Featherweight category te .Tai 2016 laga  championship te silver jetishe .Etu Haryana laga maiki toh Asian Amateur Boxing Championship te duibar silver medal jitikena ase  .2^nd day te boxer Manisha Moun pora US laga  Christina Cruz ke haraidikena  54 kg weight category pre-quarterfinals quarterfinal te ghussise .Moun kun pora akhe bar World Championships te kheli ase tai pora  American counterpart (a two-time World bronze medallist) ke unaminous decision (29-28, 30-27, 30-26, 30-26, 29-28) pora haraidishe  .”Mui bishi khushi ase mui laga World Championships first bout jeta nimete .Mui pora dikhaishe mui etu stage te thakibo pareh .Mui laga best kuribo aro sabo mui keeman dur jabole paribo .Mui confident ase aha round khan te bi bhal pora kuribole paribo koikena .”Manisha tai laga akhe round te jitikena koishe .Moun logote  veteran Indian boxer Sarita Devi bi etu tournament laga last 16 te ghussie  Switzerland laga  Sandra Diana Brugger ke haraidikena  60kg lightweight category te. Five-time World champion MC Mary Kom bi khelibole ase AIBA Women’s World Boxing Championships laga 48 kg weight category te.