New Delhi, 8 May : Itu laga executive member Deepak Sharma khilaf physical assault laga allegations para rocked kurina, All India Football Federation para Wednesday dey AIFF Prevention of Sexual Harassment (PoSH) Policy ke approve kurishey aro immediate effect dey ahiwoley implement kurishey.
Itu faisla toh AIFF executive committee para luishey, thorough deliberations aro careful consideration kuria piche dey, itu federation para ekta statement dey kuishey.
AIFF PoSH Policy, kuntu PoSH Act 2013 dey based asey, football community pitor dey ekta safe aro inclusive environment ensure kuriboley aim kurey.
Itu toh AIFF legal team para craft aro vett kurishey.
Itu faisla toh Sharma laga khilaf physical abuse laga allegations ahina olob haafta piche dey ahishey. Itu executive committee member kun Himachal Pradesh-based football club Khad FC laga bhi Malik asey, tuita mahila footballers para March 28 raati dey taikhan ke physically assault kuria aarop kurishey.
Itu ghatna piche dey, Sharma ke Goa Police para arrest kurishey aro piche dey bail dey release kuri dishey.
Itu agey dey Alex Ambrose sexual harassment case bhi thakishey kuntu para tui saal agey Indian football dey crisis anishey. Itu ghatna toh July 2022 dey jaani paishey kitia Indian U-17 mahila football team laga assistant head coach, Ambrose, Supreme Court-appointed Committee of Administrators (CoA para sexual misconduct karney sack kurishey) kuntu para AIFF laga day-to-day affairs handle kuri thakishey.
Itu policy laga implementation dey, AIFF acting secretary general M Satyanarayan para kuishey, “AIFF staff karney ekta PoSH policy bishi exclusively lagi thakishey. Muikhan para 2013 laga PoSH Act laga policies aro alag organisations dey kunwa Policy luina itu draft kurishey aro muikhan laga policy dey incorporate kurishey.
Add Comment