Agencies, 08 August: Saturday te All India Football Federation (AIFF) para Mohd Shamsuddin, Vice-Chairperson, AIFF Finance Committee mora nemide mondukh howa janaishe.
Shamsuddin toh Uttar Pradesh Football Sangh laga Honorary Secretary thakise aro tai toh Friday din heart attack para dukh powa thakise.
AIFF para statement te koise, Shamuddin toh pariya football administrator thakise. Tai toh state association te honorary secretaries nemide lamba samai kaam kora ekta thakise. Tai toh sal 2-17 to 2020 tak AIFF Finance Committee laga Vice-Chairperson nemide kaam kora thakise.
Poila AIFF Executive committee laga integral member thaka opor te, tai be AIFF Competitions Committee laga ekta member thakise. Tai toh February 2016 te, FIFA Extraordinary Congress te All India Football Federation laga delegate thakise.
Kushal Das, General Secretary, AIFF koise, tai ke toh tai laga apt administrative skills” nemide yaat kori thakibo.
Das koise, AIFF fraternity toh former Vice Chairman, AIFF Finance Committee , Shmsuddin mora janikena mondukh hoise. Tai ke toh tai laga apt administrative skill aro football nemide passion karni yaat kori thakibo.
Tai aro koise, “President Praful Patel laga behalf aro sob staff te, ami khan mora laga family ke etu hatsa nemide ektum mondukh howa janai ase. Ami khan laga bhabona aro sympathies toh etu mondukh samai mora laga family logode ase”.
Add Comment