Kuala Lumpur, 11 April : Asian Football Confederation (AFC) laga president Shaikh Salman bin Ebrahim Al Khalifa, continent laga member association khan ke tribute dise juntu AFC Asian Cup 2031 host koribo karone record saatta Expression of Interest (EoI) pathaise.
India bhi itu saatta desh majot ekta ase juntu Asia laga sabse prestigious men’s national team tournament host koribo interest dekhaise. Australia, Indonesia, Korea, Kuwait, UAE aru ekta joint bid — Kyrgyzstan, Tajikistan aru Uzbekistan laga miliki — bhi race te ase.
Kuala Lumpur, Malaysia te 6th AFC executive committee meeting chair korite thaka Shaikh Salman, 35th AFC Congress laga aage din te, modern history te sabse beshi EoI paana karone khushi janai dise aru koise ki Asia laga ei crown jewel laga prestige dangor hoi ase taikhan karone etiya itna desh interest dikhai ase.
AFC para November 27, 2024 te sob member association khan ke continental tournament host koribo karone EoI submit koribo nimite invite korise. Deadline March 31 tak, ei saatta member association laga response ahi jaise.
AFC Asian Cup 2027 host to Saudi Arabia hobo buli already confirm hoise 33rd AFC Congress, Manama, Bahrain te. 2031 laga host juntu hobo, taike Asia laga sabse dangor men’s national team competition ke aro strong banabo karone expect kora hoise.
AFC etiya ei bidding country khan logot miliki bidding documentation aru timeline hisab te kam koribo. AFC Asian Cup 2031 laga bidding workshop bhi ei month te organize koribo kotha ase.
Tai pisot, AFC Administration para sob bid laga evaluation koribo aru 24-team competition laga host 2026 te AFC Congress para select koribo.
Upar te, AFC executive committee para sob standing committee — AFC Asian Cup Organising Committee, AFC Finance Committee, AFC Competitions Committee, aru AFC Professional Football Committee — laga faisla sob approve korise.
Add Comment