Agencies, 28 September: Monday te All India Football Federation para tin-din nemide International virtual coaching conference suru korise.
AIFF general secretary Kushal Das para Sports Authority of India (SAI) logode melikena organization para olob coaching conferences daiyar kora te e-pathshala be melikena ase koise. Aro etu virtual conference para sob hisha lowa khan nemide besi value add koribo koise.
Tai koise, “AIFF para pandemic situation ola samai para fairly active thakise. Ami khan e-pathshala suru koribole nemide Sports Authority of India logode melikena kaam kori thakise. Etu conference para ami khan janibo (learn) nemide tusara opai deya laga ase”.
General secretary para last dos sal te licensed coaches toh India te otha opor te shaise. Tai para development process toh phal para joli thakibole nemide “revalidation process” te kaam howa opor te mention korise”.
Tai koise, “2010 te ami khan ke 900-odd coaches thakise hoilebe etiya 11,000 opor licensed coaches ase. India te football toh hotai din othi ase. Teams aro tournaments otha nemide ami khan ke besi coaches laki ase”.
Tai aro koise, “employment opportunity laga terms te ami khan right platform toh tai khan ke debo lakibo. Enaka hoile he number otha te dukh nahobo, ekta pathway toh lakae. India pithor te coaching chaikena judi pahar desh te tai khan employed thakile thek hobo”.
Das para be ahibole laga tournaments toh bio-secure bubble te lobole opor te shaijai kena “mental strength” laga important te koise.
Tai koise, “Lamba samai gap bechide ami khan arobe sporting action suru koribole ase. I-League qualifiers toh October 8 direk Kolkata te suru koribole ase. Etu bechide Indian Super League aro I-League toh Goa aro Kolkata te lobo. Etu sob tournaments toh bio-secure bubbles pithor te aro ektum hosiayr te lobo”.
Add Comment