New Delhi, 01 April: Wednesday te All India Football Federation (AIFF) para PM Cares Fund te Rs 25 lakh debole wada korise.
AIFF koise, “Covid 19 pandemic karni para dekthari powah te, All India Football Federation para wada korise PM CARES Fund te Rs 25 lakh debole nemide.
Dekhana nathaka gloval health chamela karni para top sporting events toh cancel nohoile postpone kuribole olaise. Etu par Tokyo Olympics aro European football championship be cancel kora thakise.
Bemari ola karni para Indian football calendar te dekthari paise aro AIFF president Praful Patel para be pandemic te fight kuribole nemide ekta lakiya janaishe.
Patel koise, “Desh te love, care aro support para ami khan ke motivate korise. Etu para ami khan ami khan laa desh nemide ami khan para tak koraidebole laga samai ase. Ami khan eki logode khara hobo lakae aro chelema para kamiyaab hobo nemide ami khan ekta ekta logode biswaas kori thakibo lakae.
Jowah moina AIFF para sob employees ke khor para kaam kuribole janaideya thakise. Etu toh hoile agae order nadiya tak nemide sob footballing activities bondh kora bechide ase.
Indian football team laga besi members khan para be novel coronavirus ola te kelaaf korikena fight kora te motob deshe. Etu toh tai khan nejor keman pari etu hisaab te deshe.
Add Comment