India, 6 January : All India Football Federation (AIFF) para International Football Association Board (IFAB) ke likhishey India toh ‘Additional Video Review System’ (AVRS) dey participate kuriboley laga possibility dey. “Itu President laga recommendation toh itia thakia laga existing technical infrastructure ke extend kuriboley consider kuri asey ‘on-demand’ video review request accommodate kuriboley referees logot para, ekta multi-angle, multi-camera broadcast feed para,” AIFF para ekta official statement dey kuishey. “Muikhan laga prime objective yatey toh error laga margin ke komti kuri diwoley asey match officials ke technology logot empower kurina taikhan faisla panawoley dey assist kuriboley. Kitia muikhan para VAR implement kuribo karoney kaam chari rakhibo, mui lagi asey ki, shuruwat kuriboley, AVRS toh ekta bhaal option thakibo India nishna ekta desh karney” AIFF president Kalyan Chaubey kuishey.
Itia karoney, VAR laga mass adoption toh limited asey financial aro infrastructure requirements karoney kuntu FIFA laga Implementation Assistance and Approval Programme (IAAP) det set out asey. 211 football-playing nations para Khali 30 percent nishna–mainly Europe aro South America dey–itia VAR subscriptions asey full domestic seasons nahuiley selective stages karoney.
President para AIFF Referee Department ke suggest kurishey study luwoley, FIFA laga suggestions aro approval luwo karoney.
Add Comment