Manitoba: Saturday te Prime Minister Justin Trudeau kuwa tu kuan manu COVID-19 laga bemar sign ase domestic flights aro inter-city passenger trains te beraboli natebo koise. Trudeau’s government para kuwa tukuan manu bemar howa neshna ase ghor te thakibole koise. Tia Reporters ke daily press conference te kuwa tu Tranport Canada ke COVID-19 cases tu beshe wala howa nemide Travel rules tu bhal para sabole koise.
Trudeau laga maike tu COVID-19 positive thaka para tai be self-isolation te ase.
Monday den para Canada’s domestic travel tu bondh koibo aro PM kuwa tu government para airlines aro railways nemide nuton tools dhebole koise.
Transport Canada koise airline aro rail company staff khan para passengers ke health questions hoti kena bemar ase na nai check kuribole janaise.
Howard Njoo, Deputy chief public health officer para ekta press conference te koise ke “ opai nai” screening thakelebe bemar manu tu Air aro train te boheboli natebo kele koile tai khan bemar tu lukaboli korebo. Canada te coronavirus cases tu 5,153 ase aro 55 l manuh jaan jaishe.
Quebec province te 2 morishe aro sob total tu 22 hoise.
Saturday te Deputy Premier Genevieve Guilbault kuwa tu nuton police checkpoints set kurikena traffic tu sabole koise.
Friday te China’s embassy koise ke Bank of China para Canada ke Medical saman aro masks, goggles, gloves be donate korise.
Add Comment