New Delhi, 14 Oct 2024: Bishi bomb la dhumki pra air aro rail travel khan ke dhuk dishey Monday din te. Etu nimite taikhan jaboleh la jaka change kurishey aro security measures khan uthai dishey. Air India flight New York jaboleh la, IndiGo flight toh Jeddah aro Muscat jaboleh la enika kurina Mumbai-Howarh Mail train khan sop ke affect kuri dishey etu bomb threat khan pra. Emergency jawab dibo lagishey.
Air India Flight (AI119) 239 passengers ke bhukhina Mumbai pra New York jabo thakishey. Hoileh b bomb threat report pai kina Delhi te jai jaishey.
Officials koishey aircraft toh Indira Gandhi International Airport te emergency landing kurishey. Tadeh pura manu olai dishey.
IndiGo flight (6E 56) b Mumbai pra Jeddah jai thakishey aro IndiGo flight (6E 1275) b Mumbai pra Muscat jai thaka time te bomb threat toh paishey. Etu hoina flights khan ke isolated bay te loi jaishey. Tadeh security check kurishey.
Mumbai-Howrah Mail ( train number 12809) b Monday din morning te bomb threat paishey. Time bomb ase koishey. Etu nimite train ke Jalgaon station te rukhai dishey 4:00 am nishina te. Tadeh security check kurishey. Eku saman napa karne train toh aro taila rasta te jai jaishey.
Add Comment