January 15, 2026: Air Inida para ekta statement te koi she ki, flight khan kunto Iran laga opor para jai, etu khan toh delay hobole chance ase, kile koile toh tai khan alak rasta para jabole lagea karne. Iran aro anti-government laga tension karne, tai khan laga hawa laga rasta te ore bole bon kure kena ase.
Airline para statement te koi she ki, Iran laga jamla karne, airspace toh bon hoi she, aro tai khan alak rasta para ure bole ase, etu karne flight khan dere hobole chance ase koi she.
January te, Iran laga inflation beshe ho karne, aro tai khan laga puisa toh beshe komzor hoi ja karne, manu khan protest kurea shuru hoi she. Etia tuk 2000 manu neshe na morai de she koi she, Iran te protest kurea karne.
Air India para aro koi she ki kumba flights khan toh alak rasta para jabole be nai, etu karne kumba flights khan toh cancel kure deshe koishe. Tai khan passengers khan ke tai khan laga flights laga status toh check kure bole koishe.
IndiGo khan be state kure she ki, tai khan laga international flights be dyk pa ase, Iran laga airspace bon kurea karne.
Add Comment