Agencies, 08 August: Kerala CM Pinarayi Vijayan para Friday te Air India Express crash para mora each passenger laga next kin ke Rs 10 lakh laga compensation debole janaishe. Etu khobor toh Kerala Chief Minister’s Office (CMO) para janaideya laga ase. Etu opor te State Government para be plane crash te jokhom powa manu laga treatment expenses te sabole janaishe.
CMO koise, sob accident victims ke toh COVID nemide test koribo aro mora manu ke be. Etiya tak khali ekta victim ke Coronavirus nemide positive test ase.
Aircraft te sob melikena 190 manu thakise aro crash para 18 jun morishe. 149 manu be hospitals te admit korise aro etu lag ate 23 manu ke discharged korise. Etu khobor toh Covil Aviation Minister Hardeep Singh Puri para janaideya laga ase. Hardeep Singh Puri koise, olob patients toh khatara halat te ase. Tai khan tinta toh ventilators te ase. Ami khan crash howa jag ate lok korise aro tuita black boxes recovered korise. Aircraft toh ke karni crash hoise etu toh back boxes te shaija bechide he fesla koribole paribo”.
Kerala CM Vijayan para be judi aro motob lakiya laga thakise koile state government para thek fesla kora bechide tai khan laga normal jevaan korai anibo nemide support koribo koise. Tamil Nadu aro Telangana para be olob passengers ase.
Add Comment