Australia, November 29 – Australia-te travel ghoribi ulta-pulta hoi jaishe, Airbus te ekta emergency global recall declare kuri dishe A320 family aircraft software problem karone. Etu sudden order karone Australia-te dangor airlines-khan bishi ghor aircraft ground kuri dibo lage, aru bishi flight cancel aru delay hoi jaishe. Airport-khan bishi crowded hoi jaishe jodi manu-khanke flight change aru refund pa bole line-te thaki ase.
Recall toh ekta serious software fault paija bole hoja hoishe, kuntu flight control system upor effect kuri bole pare. Khas kuri elevator aru aileron control system-te problem paishe, juntu plane balance aru moving karone important. High radiation condition-te, data corrupt hoi jabo pare buli pata paishe, aru etu risk thakibo para karone Airbus te bishi ulta-pulta na kori, sob aircraft-te software rollback kuri dibole instruction di dishe.
Australia-te Jetstar, Qantas aru dusra airlines-khan bishi effect hoi jaishe. Jetstar-le matikhan milai pra 30 bhi beshi A320 aircraft ground kuri di thakishe, aru 100 ke pasikot flight cancel aru delay hoi jaishe. Sydney, Melbourne, Adelaide, aru Perth airport-khan-te travellers-khan ghor jamakuri thakishe, sob manu booking change aru help luwa nimite line-te thakishe.
Airlines-khan koi ase ki engineer-khan full speed-te kaam kuri ase software update aru check-khan complete kuri bole. Maximum aircraft to update khan hoijabo pichey phini service-te wapas ahi jabo, kintu kunba plane-te hardware check bhi lage para karone time olop beshi lawibo pare.
Aviation authority-khan-le bhi manu-khanke assure kuri dishe ki safety nimite etu step laagaishe, aru passengers-khandi flight status check kuri lobi aru delay-te ready hoi thaki bole. Global-te thousands aircraft affect hoi thaka karone, expected ase ki impact olop din jabo.
Industry-te biya din ase, kintu airlines-khan bishi try kuri ase problem solve kuri passengers-khan laga travel normal kuri dibo nimite.
Add Comment