New Delhi, 2 October : Bollywood laga star couple Abhishek Bachchan aru Aishwarya Rai, YouTube aru Google upor legal action file kori dise, AI-generated deepfake video laga allegation karone. Reuters report hisab te, tai khan Google aru dusra khan logot Rs. 4 crore damage claim kori ase, aru permanent injunction bhi mangi ase kutey itu dhor laga exploitation rukhai dibo.
Tai khan allegation te koi ase ki YouTube user khan nijor banai thaka video consent dikhai rival AI model train koribole use hobo pare, juntu karone misleading content aru dangor pora spread hobo. Itu allegation September 6 te Abhishek aru Aishwarya duijon para alag-alag kintu almost identical document file kori thakise, jun public te available nohoi.
Document khan te likha ase: “Infringing material use kori AI model train kora exponentially baribo, mane agey YouTube te upload hobo, public dekhikena, aru pichete AI train koribole use hobo.”
Abhishek aru Aishwarya laga petition te argue kori ase ki jodi AI platform khan biased aru false content pora train hobo jun tai khan ke negatively portray kori ase aru intellectual property rights violate kori ase, taile AI model “false information” sikhibo aru aru dangor spread koribo.
Lisa mahina Delhi High Court Google laga lawyer ke January 15 pora agey te written response submit koribole order dise.
Film side te, Aishwarya laga last film hoise Mani Ratnam laga Ponniyin Selvan: II (2023), aru next project announce nohoi. Abhishek recently Madhumitha laga Kaalidhar Laapata te dekhai dise, jun te Mohammed Zeeshan Ayyub aru Daivik Bhagela bhi acting kori thakise. Tai next Siddharth Anand laga King te dekhai dibo, jun te Shah Rukh Khan, Deepika Padukone aru Suhana Khan bhi thakibo.
Add Comment