GUWAHATI: Tuesday din Opposition AIUDF MLA, Phanidhar Talukdar party para resigned korishe aro aha hafta Assam te ruling BJP party te samil hoboli koishe. Talukdar toh tinta(3) wala legislator ase ke Rupjyoti Kurmi aro Sushanta Borgohain para resign kora beche tai be BJP party te join koribo. Talukdar toh AIUDF te 1st MLA ase, tai toh jowa Assembly election te Bhabanipur constituency te kamyaab hoishe. AIUDF candidate howa te, tai ruling Asom Gana Parishad nominee Ranjit Deka kelaaf te 55,975 votes paishe aro tai toh kali Hindu MLA ase ke Muslim manuh thaka jaga te kamyaab paishe. Talukdar resign kora beche, AIUDF laga strength 126-member House te 15 te lamishe. Itya samai BJP toh 60 MLAs ase hoile number toh 59 ase, keli koile Union minister Sarbananda Sonowal toh assembly para resign hoboli ase. Ruling alliance partners AGP toh 9 MLAs ase aro UPPL 5 MLAs ase aro Congress MLAs 27 jun ase. By-elections toh 6 seats nemite loboli ase- United People”s Party Liberal (UPPL) aro Bodoland People”s Front (BPF) MLA mori-jowa nemite aro tuita(2) Congress legislators resign hoikena BJP samil kora nemite ase.
AIUDF MLA Phanidhar Talukdar BJP join korishe
Add Comment