, 19 May : Ajax confirm kori dise ki head coach Francesco Farioli club laga board ke janai dise ki tai club chari jabole decide korise, karon season laga antim din kharap hoise aru Ajax Netherlands laga top league Eredivisie te second te finish korise.
Ajax laga 37th Eredivisie title almost confirm jaisa situation te thaka bi, club last 5ta match baki thaka somoy te 9-point lead harai dise, aru itu karone PSV Eindhoven Dutch league jiti lobo parise.
Farioli ekta saal age OGC Nice para Ajax join korise aru June 2027 tak laga contract sign korise. Tai logot assistant coaches Daniele Cavalletto aru Felipe Sanchez Mateos, aru goalkeeping coach Jarkko Tuomisto bhi technical staff para chari jabole ase.
Season laga last match te Ajax nijor fans khan laga samne Johan Cruijff Arena te jiti dise. Match khotom hote Farioli emotional hoijai, kana di thaka dekhaise, juntu dekhi fans khan bujhi lobo parise ki tai club chari jabole pare. Tai future laga kotha te directly kichu nai koise, sirf etu koise ki ‘Ajax laga future sobse important ase’.
Report te koi ase ki tai chari jabole main karon ase — Farioli aru club laga board majot tension dangor hoijai, aru duita side club laga future laga kotha te ekmat nai thakise.
Add Comment