New Delhi, August 08 : Ajay Devgn aro R Madhavan laga film ‘Shaitaan’ tu etu saal laga first half te box office te bhal perform kora olop Bollywood film khan majotey ekta asey. Shaitaan tu 100 crore club te gusa 2024 laga third Indian film asey. First te ‘Fighter’ aro second te ‘HanuMan’ asey.
Etu film tu kala jadu laga bari te asey aro etu ke Vikas Bahl para direct kurisey. Etu tu Gujarati film ‘Vash’ laga remake asey. Etu film release huwa homoi para etu film laga second part laga bari te bi baat-chit bisi chuli thakisey.
Reports hisap te, ‘Shaitan’ laga second part ‘Shaitaan 2’ laga second part te kaam suru kuridisey. Etya, etu laga script te kaam chuli asey. Etu jankari tu Ajay Devgan laga back-to-back duita film ‘Maidaan’ aro ‘Auron Mein Kahan Dum Tha’ biya perform kora picheyte ahisey. Reports hisap te, script finalise huwa picheyte etu film tu joldi announce hobole asey.
Media reports hisap te, ‘Shaitaan 2’ likha laga kaam tu suru hoijaisey. Etu script ekbar lock hoija picheyte, producers khan para Ajay Devgn logotey milikina etu film laga production kitya kuribo lagey etu faisla lobo. First part ‘Shaitan’ tu etu saal laga sobsey dangor hit film majotey ekta thakisey aro manu khan para etu ke bisi khusi paisey. Toh, taikhan clear hoisey ki taikhan para script ke bhal para banabole nimitey homoi lobo. Aro etu picheyte hey taikhan agey baribo.
‘Shaitan’ film tu 40 days te shoot kurisiley.
Add Comment