Ajay Jayaram jeti kena quarter-final kushise

Taipei City, 4 October: Thursday deh Indian shuttler Ajay Jayaram toh Chinese Taipei BWF World Tour Super 300 tournament laga quarter-finals de kushise. Tai Denmark’s Kim Bruun logode second round de jeta thakise. Purana world no 13 Indian khelari Jayaram toh Kim logode 21-10 22-20 pora haraideya thakise. Aro tai jun laga khel toh 37-minute de kothom howah thakise. 2015 deh 30 sal khelari toh Korea Open laga finals de pongja thakise. Tai next Malaysia’s Lee Zii Jia logode khelibole ase. Purana national champion Sourabh Verma toh July deh $75,000 Russian Open jeta thakise aro jokhom powah phal howah bechide 18th Asian Games debe qualified howah thakise. Hoilebe tai etu par laga tournament de agae jabole para nai. Tai Japan’s Riichi Takeshita logode 21-19, 21-23, 16-21 pora harise. Jayaram pora ekta point de 6-0 pora lead de thakise. Hoilebe Kim pora 8-9 de manai deya thakise. Etu bechide India pora arobe 14-8 aro 20-9 loi kena suru khel jeti lowah thakise. Second game de, tuita khelari be osor points de thakise. Kim pora break time de 11-9 bonaideya thakise. Ekta stage de Danish shutter 16-13 pora agae de thakise. Hoilebe Jayaram toh 19-19 bonabole pari kena khel jeti lowah thakise.