Ajay Singh para India’s Best Dancer Season 1 jetishe

November 23, 2020. Ajay Singh ke Tiger Pop nam para be jani. Sunday din tai para India’s Best Dancer jetishe. Tai toh Gurugram desh para ase aro etu samai tai cash prize of Rs 15 lakh aro swanky Maruti car be loikena jaishe. Ajay Singh laga choreographer Vartika Jha logot be Rs 5 lakh cheque thishe. Tiger Pop jarikena dosura finalist khan toh Mukul Gain, Shweta Warrier, Paramdeep Singh aro Subhranil Paul thakishe. Show te Tiger Pop para tai laga “pop style” dance moves toh tai ama laga sopna thaka jetishe. India’s Best Dancer jeta kotha kora te tai statement te koishe ke, “ami besi kushi as eke India’s Best Dancer paishe. Ami besi thaka nai ke, bacha time laga sopna te India’s Best Dancer jeta toh, aji hosa para hoishe. India’s Best Dancer laga zendaki pura te, first audition para loikena etai dak te choreographer Vartika Jha logot melikena kam kora te kamyaab paishe.  Ami aji stage te kara kora samai, eman tangor nam kama toh thamali nahoi, manuh sob etu jatibo nemite mon thikena kam koribo lage”. Tai para judges khan ke be dhunyabad korishe. Judge Malaika Arora para koishe ke, “ami besi kushi as eke Tiger Pop toh first season te winner ase. Tiger toh besi brilliant ase, etu nemite audience para be tai logot fesla thishe.