January 26, 2024: Russian President Vladimir Putin para India laka foreign policy aro economic development kuto Prime Minister Narendra Modi laka leadership pitor deh ahi ase, etu praise kuri shae. Thursday din Russia laka Kalinigrad jaka deh “Russian Student Day” manai shae aro university laka students kan lokot kotha kura time deh Putin para India laka high economic progress kuto PM Modi laka pitor deh ahi ase, etu highlight kuri shae.
“Dunia deh India kan tho economic development aro growth deh sobse highest rate ase aro etu tho Prime Minister laka leadership karne ase. Taila leadership time deh Indian enaka pace deh punchi jai shae,” Putin para kui shae Russian-based media Russia Today (RT) laka translation isap deh, news agency ANI para report kuri shae.
Russian president para India kan ekta independent foreign policy follow kuri ase kui she kuto aji khali laka dunia deh asani nahoi kui shae. Hoile b Modi laka leadership pitor deh India kan jani jai ase. Taila speech time deh, Putin para India laka “Make in India” policy laka kotha kuri shae aro Russian kan India keh motot kuri bole committed ase kui shae. Tai para ekta Russian company, India deh dangor financial investment kura laka b highlight kuri shae.
Add Comment