Ajit Pawar wapas MVA te ahebole ase, NCP factions khan unite kure bole ase

Mumbai, January 24, 2026: Shiv Sena (UBT) leader Sanjay Raut para Saturday te koi she ki, NCP laga duata faction toh mele jabole ase. Aro Maharashtra laga Deputy Chief Minister Ajit Pawar toh wapas ahe bole Maha Vikas Aghadi te. Mr. Raut reporters khan logo te khota kurea homoi koi she ki, ruling NCP toh Sharad Pawar led NCP (SP) toh mele jabole ase, dua jun be ‘clock’ poll symbol para aha Zilla Parishad aro Panchayat Samiti election te khele bole ase state te. Tai para aro koi she ki, Ajit Pawar toh Mahayuti laga part ase, hoi le be tai MVA logo te connected ase. Sharad Pawar aro Ajit Pawar toh mele kena MVA laga ekta part hobo koi she. Ajit Pawar toh Eknath Shinde government te join kure she, alak eight MLAs khan logo te, July 2024 te, etu karne NCP toh duata hoi jai she. Tai laga faction toh party laga nam pai she aro ‘clock’ laga symbol be. Aro Sharad Pawar laga party toh NCP (Sharadchandra Pawar) laga nam loi she.