New Delhi, 14 March : Tamil actor aru racer Ajith Kumar ekta week age India wapas ahise, ketiya tai Dubai te olob time stranded hoi thakise US–Israel conflict with Iran karone. India wapas ahia pichete, tai agey Sai Baba Temple Shirdi te jai darshan loise, aru itu pichete ekta notun Mahindra BE 6 Formula E–inspired gari kini loise. Showroom te Ajith nijor naya ride logot photo bhi loise.
Mahindra Electric laga official Instagram page announce kori dise ki Ajith BE 6 Formula E car kini ase. Website hisab te gari laga FE2 version price ₹23.69 lakh, aru FE3 version add-on feature logot ₹24.49 lakh ase. Itu Formula E–inspired SUV juntu top speed 202 km/h tak jabo pare. Colour pai tou Tango Red variant choose kori ase. Post kora photo khan te Ajith nijor notun gari logot pose kori thaka, cake kati thaka aru racetrack te India represent koria celebrate kora dekhaise.
Itu age, Shree Saibaba Sansthan Trust Shirdi laga official Instagram page te aji temple visit laga video post kori dise. Video te dekha jai actor ke temple authority khan welcome kori thaka ketiya tai nijor team logot ahi. Security logot tai temple visit kori, bhitor te prayer kori Sai Baba laga ashirbad loi. Darshan pichete temple authority logot photo bhi loise, kitia takhan tai ke Sai Baba idol aru shawl gift kori dise.
Aji ekta professional racer aru actor. Tai Formula Asia BMW Championship 2003 te compete kori thakise aru Formula Two Championship 2010 te bhi race kori thakise. 2002 te Formula Maruti Indian Championship te ekta special race te part loi thakise. 2025 te 15 saal pichete tai racing te wapas ahi Ajith Kumar Racing logot 24H Series te Porsche 992 GT3 Cup category te compete kori thakise. Tai 2026 te Le Mans Cup te bhi part lobole ase.
Ekta race laga sidelines te aji clear kori dise ki tai racing para break pabo time te he film te kaam koribo. Actor jaa saal Vidaamuyarchi aru Good Bad Ugly te dekhaise. Tai koi ase ki itu saal film shoot koribo, kintu etiya tak kunba notun project announce korianai. Director AL Vijay bhi confirm kori dise ki aji laga racing life upor ekta film bana thaka kaam cholise.
Add Comment