October 21, 2023: Ekta Delhi-bound Akasa flight kuto 185 passengers keh duri taki shae Pune para, etu flight tho Mumbai Airport deh emergency landing kuri shae ekta passenger para taila bag deh bomb ase kui nah kwa piche deh. Officials para Saturday din deh kui shae.
Etu flight kuto Mumbai airport deh divert kuri shae, etu flight tho Saturday laka morning deh landing kuri shae. Pune airport para takeoff kuri nah 40 minutes b nahoi nah landing tho kuri shae kui shae airlines para Saturday din deh. Bomb laka damki tho misa ase kui nah flight tho at last taila original destination karne olai jai shae 6 a.m. deh.
Passenger kun para tailaka bag deh bomb ase kui taki shae, etu passenger keh ambulance para hospital deh lui jai shae. Mumbai Airport deh puncah piche deh utu manu para taila chest bikai ase kwa karne hospital deh lui jah ase.
Police laka isap deh ekta relative kun passenger lokot deh ahi shae, tai para utu manu tho chest pain taka karne dawai tho lui shae kui shae.
Mumbai Police kan etu matter itia b investigate kuri ase.
Add Comment