Mumbai, January 15: Tabu aro Akshay Kumar. Kun poila te Hera Pheri aro Tu Chor Main Sipahi nisna film khan te eksath kaam kurisiley, taikhan tu 25 years picheyte Priyadarshani laga horror-comedy film Bhooth Bangla te eksath kaam kuribole asey.
Wednesday din te, Bhooth Bangla laga makers khan para social media te Akshay Kumar para Tabu ke welcome kora homoitey Jaipur te etu film laga set te taikey hug kora laga ekta morom picture share kurisey.
Etu film para Tabu ke director Priyadarshan aro actor Paresh Rawal logotey bi reunite kuridiasey. Taikhan tin-jun aro Akshay tu akhri bar Hera Pheri te ekeylogotey kaam kurisiley. Priyadarshan para direct kora film Bhooth Bangla tu ekta horror-comedy asey kuntu ke Shobha Kapoor aro Ektaa Kapoor laga Balaji Telefilms para Akshay Kumar laga production house, Cape of Good Films logotey produce kuriasey. Etu film ke Faara Sheikh aro Vedant Baali para para co-produce kuriasey. Etu film laga story tu Akash A. Kaushik para likhiasey. Etu film tu theatre te April 2, 2026 te release hobole asey
Add Comment