New Delhi, May 1 : Jaija olop saal te, Akshay Kumar aro Sajid Nadiadwala para Waqt Hamara Hai, Mujhse Shaadi Karogi, Jaan-E-Maan, Heyy Babyy, Housefull, Housefull 2, Housefull 3 aro Housefull 4 nisna film khan tee key logotey kaam kurisey. Pinkvilla para exclusively janibole parisey ki Sajid aro Akshay tu etya taikhan laga 11th film collaboration Houseful 5 nimitey pura tayar asey, kuntu laga shooting August 2024 para suru hobole nisna asey. Sources laga hisap te Sajid Nadiadwala aro tailaga director, Tarun Mansukhani tu August moina para UK te film shooting suru kuribole asey. Etu film te Akshay Kumar aro Ritesh Feshmukh logotey ekta dangor team join kuribole asey kuntu laga casting etya chuli asey. Etu source para agey barikina koisey ki Housefull 5 laga ekta dangor hisa tu ekta standard cruise shoot kuribo. Aro 45-day schedule tu pani te shoot kuribole asey. Etu tu film laga sobsey exciting part asey. Houseful 5 tu sobsey challenging film hobole asey kilemaney etu film laga shooting tu dangor cast logotey ekta asli cruise(dangor jahaj) te kuribole asey.
Akshay Kumar aro team para UK te Housefull 5 laga shooting suru kuribole 
Add Comment