Akshay Kumar ke September moina Discovery channel te thikibo

August 21, 2020. Prime Minister Narendra Modi aro Tamil superstar Rajinikanth beche Bollywood hero Akshay Kumar toh adventurous jungle te Bear Grylls logot peraboli ase koishe. Khobor para koishe ke, Akshak Kumar toh sobse popular show “Into the Wild with Bear Grylls” te tai logot thikiboli ase. Special episode te Akshay Kumar ke September 11 darik 8 pm te Discovery Plus te saboli parehbo. Aro September 14 darik te etu episode toh 8 pm Discovery te thikabo. Rajanikanth logot shooting beche, Bayer Grylls para Akshay Kumar logot etu episode toh Bandipur, Tiger Reserve te shoot kurishe koishe. Akshay Kumar office laga osor source para koishe ke, etu shoot kura samay Bollywood star toh Tiger Reserve te Bayer Grylls logot choi(6) gonda neshina thakishe. Etu samay promo video toh released hoikena ase aro shooting kura photos toh social media platforms te spread hoiase koishe. Friday din, Akshay Kumar para special episode te Bayer Grylls logot shoot kura video promo toh released hoishe. Akshay Kumar para twitter te leka toh, “tui khan ami pakala bhapise…hoilebi jungle te he pakala hoishe”. Khobor hesab te koishe ke, Akshay Kumar aro Bayer para Tiger Reserve te pasta(5) alak-alak chaka te shot kurishe. Akshay Kumar toh sports khela manuh nemite PM Modi aro Rajanikanth logot be bhal wala kam kuriboli parehbo. Manuh sob para koishe ke, Akshay Kumar tod Man Vs Wild te be ideal guest thakishe. Aro manuh khan para koishe ke, Akshay Kumar para asani te Bear logot survival techniques shekibo. Etai samay, Akshay Kumar toh United Kingdom te ase aro tai laga ahiboli ‘Bell Bottom’ film bonai ase. Tai logot Huma Quereshi aro Lara Dutta be ase koishe.