Akshay Kumar laga ‘Khel Khel Mein’ Independence Day te release hobole asey

Mumbai, June 13 : Akshya Kumar laga film Khel Khel Mein tu theatre te almost ek moina agey release hobole asey. Kilemaney etu film laga makers khan para etya etu film laga release date tu August 15 te set kurisey. Production house T-Series para Wednesday rati te taikhan laga official social media te etu film laga nutun release date share kurisey. Etu comedy-drama laga  release date tu ageyte September 6 te set kurisiley. Etu film ke Mudassar Aziz para likhisey aro direct kurisey. Kun  ‘Happy Bhag Jayegi’ aro Pati Patni Aur Who nisna film nimitey mashoor hoisey. Khel Khel Mein film te Tapsee Pannu, Vaani Kapoor, Fardeen Khan, Ammy Virk, Aditya Seal aro Pragya Jaiswal bi asey. August 15 te, Khel Khel Mein tu box office te duita dangor movie- John Abraham laga ‘Vedaa’ aro Allu Arjun laga ‘Pushpa 2: The Rule’ logotey clash hobole asey. Etu film lag amakers para kuwa hispa te, ‘Khel Khel Mein’ para comedy-drama genre ke alag nazariya para dikhabole asey. Aro etu film te khusi aro dukh laga rollercoaster ride offer kuribole asey kuntu tu dusra film khan para alag hobole asey. Etu film ke Bhushan Kumar, Krishan Kumar, Vipul D Shah, Ashwin Varde, Rajesh Bahl, Shashikant Sinha aro Ajay Rai para produce kurisey.