Akshay Kumar laga Sarfira para Kamal Haasan laga Indian 2 aro Vicky Kaushal laga ‘Bad Newz’ke haraidisey

New Delhi, July 07  Akshay Kumar laga nutun release hobole thaka film Sarfira para audience khan ke etu film laga content para bisi impress kuridisey. Etu film laga ekdam bhal trailer para loikina mon chuidiya gana track tak, etu film laga content tu bisi bhal asey. Juwa hapta, Sarfira laga trailer tu YouTube te release hoikina 24 hours huwa picheyte manu khan para sobsey bisi sa movie trailer hoisey. Etu film tu lead lobole continue kuri asey aro etya IMDB te manu khan para sabole nimitey sobsey bisi josh para rukhi thaka film olaisey. IMDB laga rating hisap te, Sarfira tu July, 2024 laga sabole sobsey bisi rukhi thaka film asey. Etu film tu Indian 2 aro Bad Newz ke haraidisey. Sarfira laga kahani tu GR Gopinath koikina ekjun manu laga asol jibon te bana laga asey, kun para aam manu khan nimitey akash te ura tu sosta banaidisey.  Etu film ke Sudha Kongara para direct kurisey. Aro etu tu 5ta National Awards jita Tamil film Soorarai Pottru laga official adaptation asey. Etu film tu 12 July te release hobole asey.