Mumbai, March 05: Akshay Kumar aro Katrina Kaif laga romantic comedy film Namastey London, kuntu first 2007 te release hoisiley, etu film tu March 14 te Holi laga occasion te cinema te aro re-release hobole asey. Vipul Amrutlal Shah para direct kora etu film tu ekta blockbuster hit thakisey.
Akshay para etu film re-release huwa laga news tu Instagram te share kurikina enaka likhisey, “Etu announce kuribole bisi khusi pai asey ki etu bar laga Holi, 14th March te dangor screen(cinema) te Namaste London re-release hobole asey! Pahoribole napara laga gana khan, mashoor dialogue aro @katrinakaif logotey romance kora tu aro ekbar wapas experience kuribole tayar hoijabi. Apnikhan ke movies te sabo!”
Namastey London tu Jasmeet koikina ekta chukri laga bari te asey, kunlaga role Katrina para kuri asey. Etu film tu India te jonom hoikina, UK te dangor huwa ekjun jawan maiki laga bari te asey kun party kuribole, fashion kapra khan pindibole aro raat-bhor drinks kuribole khusi pai. Jitya tai para tailaga ama-baba(Rishi Kapoor aro Nina Wadia) ke tai ekjun white man(matlab London laga manu) ke shaddi kuribole mon asey koikina inform kurisey, taikhan para taikey ekta Indian mota bisaribole nimitey India te loijaisey. Tatey taikey Arjun Singh koikina ekjun mota ke shaddi kuridiye(kunlaga role Akshay Kumar para korey). Arjun tu Jasmeet ke logalog khusi paijai. Hoilebi Jasmeet tu UK wapas ja picheyte taikey dhoka diye. Etu film laga kahani tu Akshay para kinaka kurikina Jasmeet laga morom jitey etu laga bari te asey.
Etu film lag agana khan ke Himesh Reshammiya para compose kurisey aro Javed Akhtar para likhisey. Etu gana khan tu ajitak fan khan laga favourite asey.
Add Comment