Mumbai, 1 February : Akshay Kumar laga latest action-drama Sky Force audience para positive response pai thakise. Itu film release hoa 8 din majot ₹100-crore mark cross kuri loise, itu film laga makers Maddock confirm kuri dise.
Saturday din Maddock Instagram te ekta poster share kuri dise, juntu te Akshay Kumar aru Veer Pahariya laga chobi aru film laga positive reviews thakise. Tai caption te likhise, “From the skies to the ₹100 Cr club! Courage aru sacrifice laga true story abhi 2025 laga prothom blockbuster hoijai loise! Amikhan laga audience laga bhalobasha aru support karone dangor dhanyobad, jun Sky Force ke ekta soaring success banai dise!”
Makers laga hisab te, Sky Force first week te ₹99.97 crore collect kuri loise, aru Day 8 te ₹4.6 crore aru earn kuri, domestic collection ₹104.3 crore punchai loise.
Kintu industry tracker Sacnilk laga hisab te, itu film Indian box office te ₹89.5 crore earn kuri loise, aru Day 8 te ₹3 crore collect kuri dise. Worldwide collection milaikina, film laga total earning ₹115 crore punchai loise.
Shahid Kapoor laga Deva 31st January te release hoise, kintu Akshay Kumar laga film box office te strong hold rakhi ase. Sky Force notun actor Veer Pahariya karone bhi ₹100-crore debut confirm kuri dise. Abhi Deva itu film laga collection te effect dibo naki, itu interesting hobo.
Sky Force ekta action-drama ase, jun India laga prothom airstrike, 1965 Indo-Pakistani air war majot Sargodha airbase attack upor based ase. Itu film Abhishek Anil Kapur aru Sandeep Kewlani direct kuri dise, aru Maddock Films aru Jio Studios produce kuri dise.
Akshay Kumar itu film te Wing Commander Kumar Om Ahuja (fictionalised version of Om Prakash Taneja VrC) laga role te ase, aru Veer Pahariya T. Krishna Vijaya (fictionalised version of Ajjamada Boppayya Devayya MVC) laga role te ase. Nimrat Kaur aru Sara Ali Khan tai khan laga wives laga role te ase. Film te Sharad Kelkar, Mohit Chauhan, Manish Choudhary, aru Varun Badola bhi important roles te ase
Add Comment