Akshaye Khanna para Ranveer Singh ke Aditya Dhar laga next film te join kurisey

New Delhi, July 08 : March 4, 2024 te Pinkvilla para first report kurisiley ki ekta action film nimitey Ranveer Singh aro Aditya Dhar logotey baat-chit kuri asey. Etu film tu Indian Intelligence Agencies laga bari te asey. Etu etya tak bi naam nidiya film laga first shooting schedule tu August te ekta dusra desh te suru hobole asey. Etu picheyte India te bi kuribole asey. Etu tu asol ghotna para inspire hoikina bana kahani asey. Aro Research & Analysis Wing(R&AW) laga etihas te, Ranveer ke sobsey bisi important agent nisna dikhabole asey. Ranveer Singh tu ajikali laga ekta sobsey bhal actor asey. Aro tai etu action film laga duniya te kadam rakhibole nimitey excited asey. Etu film tu 2025 te release hobole tayar kuri asey. Etu source para agey barikina koisey ki Ranveer ke etu te film te join kuridiya tu bisi bhal match hobo. Aditya Dhar para Akshaye Khanna ke tailaga next film te ekta dangor role play kuribole sign kurisey. Akshaye Khanna aro Ranveer Singh tu etu film te bisi interesting role play kuribole asey. Aro Dhar para taikhan laga chemistry audience laga samne te anibole bisari asey. Akshaye tu Dhar laga next film laga kahani likha logotey impress hoisey aro etu film kuribole tayar hoisey.Etu film te taikhan duijun laga alava Sanjay Dutt, R Madhavan aro Arjun Rampal bi jaruri role kuri asey. Sanjay Dutt tu gunda laga role kuribole asey. Hoilebi R Madhavan aro Arjun Rampal laga role tu nokoikina rakhi asey.