Late Bollywood actor Vinod Khanna laga first maike aro Akshaye aro Rahul Khanna laga amma Geetanjali Khanna toh 70 sal deh morise. Tai namora agae deh olob dekthari pai thaga complain kora thakise. Tai key karni morise thek pora kobo napari. Geetanjali toh Saturday rati Alibaug Civil Hospital pora morikena anna thakise. Hospital toh Mandwa pora 20 kilometres dhur ase. Tati tai toh Akshaye logode thakikena Mandwa police pora khobor janaise. Mandwa laga laga farmhouse deh tuita bacha aro ama toh ahhai thakise. . Geetanjali aro Akshaye toh toh Saturday morning 11 nesana time phalli ahhise. Tai olob dekthari pai thaga complain kora toh afternoon phalli thakise. Tai logode local doctor osor deh loija thakise aro tai pora dawai olob deya thakise.
Geetanjali toh homai thakise aro 9 aro 10 pm majode ketya Akshaye pora saise etu time deh Geetanjali laga body temperature toh namija paise. Khobor hesab deh, Akshaye pora Rahul logode matha thakise aro etu bechide civil hospital deh loijaise. Etu time dehhe Geetanjali toh morise koikena khobor jani paise. Geetanjali toh Vinod logode 1971 sal saadi kora thakise aro tai jun 1985 sal divorce howah ase.
Add Comment