J&K, SEPTEMBER 30 : Jammu aro Kashmir laga Rajouri District te BSF Sepai nemite thaka 1 jun neju murise. Etubi tai neju laga puntuk pora mari kena kooi kena Officials pora Sunday din janaise.
Etu Sepai toh Head Constable ase. Aro tai laga naam toh Ram Charan ase. Aro tai toh 126th Battalion kan logot eke pora Sunderbani BSF Headquarters te duty kuribole bataide kena thaka laga ase. Etu time te tai Saturday sam phale neju puntuk marikena murijaise koi kena, Officials khobor pora janaise.
Tusera wala Chamala te atankwatti pora Grenade bomb bhatai kena aro puntuk marikena Police Station te hamla kura time te Police 1 jun muraidese. Etubi South Kashmir laga Shopian district te pujut phale.
Ahkete tai jukum huikena thakise. Etu pora Hospital te sabole luijaise. Huilebi tai Hospital te sabole kura time te murijaise koise. Aro atankwatti kan toh hamla kura bejete bolaijaa bole bari kena bolaijaise. Huilebi tai kan nemite Sepai kan ki-ki besara-besari kura manaise. Aro etu toh etu chamala hua din te manai kena thaka khotum nahua thakise koise.
Add Comment