Agencies, 03 August: World Health Organisation Director General, Dr Tedros Ghebreyesus koise, duniya te anti-coronavirus vaccine candidates toh etiya phase-3 of clinical trials te ase. Tai para ami khan toh deadly novel coronavirus laga phal ekta vaccines joldi pabole biswas kori ase koise. Hoilebe tai para etiya nemide silver bullet (covid-19 dawai) toh nai koise.
Tai para last tin moina majode coronavirus cases toh 5 fold te othise aro mora toh tripled hoise koise.
Alak alak vaccine candidates laga suru trial results toh phal ola dekhise. UK te Oxford University aro AstraZeneca melikena COVID-19 vaccine bona toh clinical trials laga final stages te ase aro etu toh general public nemide etu sal last nahoile aha sal first te ola thakibo pari.
Russians toh ekta step agae thaka nesana ase. Russia para reports aha hisaab te, Gamaleya institute in Moscow te vaccine bona toh human trials kothom hoise aro August 10-12 te registered hobo pari.
India te Bharat Biotech manufactured vaccine — COVAXIN — laga human trials toh suru hoise aro etiya volunteers toh trial vaccine te administered ase.
Add Comment