NEW DELHI: Republic Day hubole laga saam te Central Reserve Police Force (CRPF) laga teenta constables ke President’s Police Medal award kurishe. Etu award toh larai te himmat dekha aro larai te mura nimite dishe. Tai khan desh pura para aha 885 police personnel majote ase. Etu 885 manu khan toh tai khan alak alak services diya nimite government para tai khan ke maan (honor) dishe.
Etu President’s Police Medal for Gallantry (PPMG) toh teenta CRPF constables ke dishe Etu khan toh Mohammad Yaseen, Borase Dinesh Dipak aro Jaswant Singh ase. Tai khan toh duty kura samay te tai khan laga jeevan bhi balidan dishe. Police Medals for Gallantry (PMG) toh 146 personnel khan ke dishe. President’s Police Medals toh alak alak services nimite 74 personnel ke award dishe aro Police Medal for Meritorious Service toh 632 personnel ke dishe.
Etu 146 personnel kun Police Medals for Gallantry paishe. Etu manu khan majote 41 toh CRPF para thakishe, 26 toh Odisha Police police para, 25 toh Jammu and Kashmir Police para ase, 14 toh Chhattisgarh Police para ase, 13 toh Meghalaya Police, 10 toh Uttar Pradesh Police para ase, atha toh Border Security Force para ase, charta toh Delhi Police para ase, teenta toh Jharkhand Police aro ekta (each) toh Assam Rifles aro Indo Tibetan Border Police para ase.
Etu majote 86 personnel ke bhi Fire Service Medals para award kurishe.
Etu te President’s Fire Service Medal for Gallantry toh 15 personnel ke award kurishe, Fire Service Medal for Gallantry toh 14 personnel ke award kurishe., President’s Fire Service Medal alak alak services nimite satha personnel ke award kurishe aro Fire Service Medal for Meritorious Service to panchta personnel ke award kurishe.
Bishi para bishi 58 personnel khan Home Guard aro Civil Defence Medals para award kurishe.
Etu te President’s Home Guard aro Civil Defence Medal alak alak kaam nimite atha personnel ke award kurishe aro Home Guard aro Civil Defence Medal for Meritorious Service toh 50 personnel ke award kurishe.
Add Comment