ANCHORAGE, Alaska: Friday din te midair plane ekta Anchorage te crash koikena sat(7) jun manuh morishe, mora pithor te lawmaker be ase aro tai para aircraft tuh pilot kurishe koikena Alaska officials para koishe. Soldotna airport osor te crash kura te sob manuh morishe, etu chaka tuh Kenai Peninsula city te hoishe koikena Alaska State Troopers para statement te lekishe. State Rep. Gary Knopp, kuan para etu chaka tuh saim tai tuh dosura plan te ekla thakishe. Dosura plan te South Carolina para char(4) jun tourist thakishe, guide ekjun Kansa para ase aro pilot tuh Soldotna para thakishe koikena troopers para koishe. Sath(7) jun manuh tuh morishe janai thishe aro ek jun manuh tuh hospital te loikena jaa samay morishe koikena troopers para aro koishe.
Federal Aviation Administration para koishe ke, ekta plane tuh Havilland DHC-2 Beaver thakishe. FAA aro National Transportation Safety Board khan para crash tuh investigate kuriase. Knopp, tuh 67 umer thakishe aro tai tuh Republican state House bipartisan majority laga member ase. Tai laga sati khan para mora oper te mon dhuk howah janai thishe. “ami etu crash howah laga khobor hoikena shock paishe aro Gary Knopp mora nemite, koikena House Speaker Bryce Edgmon para statement te koishe. Mora pithor te dosura manuh khan tuh pilot Gregory Bell, 67 umer, guide David Rogers, 40 umer aro South Carolina laga visitors khan tuh– Caleb Hulsey, 26; Heather Hulsey, 25; Mackay Hulsey, 24; and Kirstin Wright, 23 thakishe. Jaa paar Alaska te, midair collision tuh May moina 2019 saal te Ketchikan osor te hoishe. Etu samay tuita(2) plane passengers thakina laga-laki hoikena choi(60 jun morishe. Dos(10) jun pachai manuh khan ke crash chaka para othaishe.
Add Comment