US, 12 February : Alaska dey Health officials khan para recently identified virus Alaskapox logot link thakia dey agey maut confirm kurishey. Ekta purana immunocompromised mota, Kenai peninsula para, Anchorage laga south, late January dey itu bimari para murishey. Alaska Department of Public Health laga ekta release hisab dey, itu individual toh itu time dey treatment lui thakishey aro report huina thakia Alaskapox laga 7 cases maju dey ekta thakishey.
Itu mota kuisheh ki tai recently sawari kurianai aro tai ekela jungle dey buhi thakishey. Officials para speculate kurishey ki tai Alaskapox toh ghor laga ekta billi para dhurishey kun chutu mammals ke regularly murai thakishey aro taike scratch kurishey kitia itu bimari agey ulaishey. Juti itu billi laga test results dey eku infection dikhianai, itu bimari toh tai laga nakhun para philaina thakibo parey, New York Post hisab dey.
Itu mota ke antibiotics dishey, September dey tai laga right armpit andar dey ekta laal lump dikhia piche dey. Huilewi, tai laga symptoms toh biya wala huishey aro six haafta piche dey pain aro weariness bhi hua shuru huishey. December dey, tai “battery tests” luishey kitiq tai hospital dey thakishey aro itu results para dikhaishey ki tai cowpox thakishey. Disease Control karney Centres para aro bishi testing conduct kuishey aro jani paishey ki itu bimari toh Alaskapox thakishey.
