November 23, 2024: Northwest Delhi laka Ashok Vihar deh taka ekta maike para allegedly taila pas sal maike bacha laka gola dabai nah murai di shae, tai kushi pah mota keh shathi kuri bo napara karne, police para Saturday din deh kui shae.
Deep Chand Bandhu Hospital para police keh taikan laka facility deh ekta muri nah taka bacha keh ani shae kui shae. Authorities kan para mura bacha keh sah piche deh, gola dabai nah murai di shae kui nah janai di shae. Kile koile bacha laka gola deh dabai dial aka daki taki shae.
Etu hua lokot ekta case register kuri shae aro ama aro bacha laka alak relatives kan keh ani shae, huda hudi kuri bo karne, Delhi Police laka statement para kui shae,
Huda hudi kura time deh, ama tho kanda shuru hui shae aro taila nijor bacha keh murai di shae kui nah confess kuri shae.
Huda hudi kuri taka tho, taila mota para taike chari di shae kui nah jani jai shae. Aro maike tho Instagram deh ekta mota lokot deh mili shae kui nah jani shae.
Etu piche deh, maike tho Delhi deh jab oleh decide kuri shae, mota keh shathi kuri bo karne. Hoile b mota aro taila kandan para bacha keh accept kuri bole mana kuri shae. Enaka hui jah tho, ama, tai nijor laka bacha keh murai di shae, police para kui shae.
Add Comment