Malaysia, 7 February : Alex Marquez MotoGP pre-season testing te Malaysia te fastest rider hisab te ulai aahise. Spanish khiladi 1min 56.493sec laga timing pora timesheet top korise, aru tai logot bhal bhal khiladi khan bhi 1min 57sec laga mark niche jaise.
Friday Sepang track laga pre-season test laga last din thakise, aru Alex Marquez consistent thakibo dikhai dise. Tai Wednesday aru Thursday consecutive third-fastest timing mark korar pichhe Friday fastest finish korise.
Two-time MotoGP world champion Francesco Bagnaia second position te thaiki 1min 56.500sec timing pora race complete korise, aru France laga Fabio Quartararo third place te 1min 56.724sec timing pora pre-season outing te impressive performance dikhai dise. Italy laga Franco Morbidelli, jun Thursday laga fastest rider thakise, fourth position te aahise aru tai timing 1min 56.948sec mark korise. Itu charita khiladi 1min 57sec mark niche perform korise.
28 saal laga Alex Marquez Ducati machine te tai laga riding talent aru prowess dikhai dise, aru tai Bagnaia laga Sepang track te pichla saal record set kora timing pora matra 0.156sec short thaikise.
Thursday aru Friday laga session calm thaikise, hoilebi Wednesday laga opening pre-season test din dangor tension hoise. Reigning MotoGP world champion Jorge Martin ekta kharap accident pora Aprilia machine pora girise aru tai right hand aru left foot te chot paise. Sepang circuit laga turn two te girar pichhe hospitalise aru surgery laga dorkar hoise, aru tai March 2 te Thailand Grand Prix season opener te fit thakibo nimite race kuri ase.
1. Alex Marquez 1min 56.493sec
2. Francesco Bagnaia 1min 56.500sec
3. Fabio Quartararo 1min 56.724sec
4. Franco Morbidelli 1min 56.948sec
5. Marc Marquez 1 min 57.042 sec
6. Pedro Acosta 1 min 57.175 sec
7. Johann Zarco 1 min 57.204 sec
8. Joan Mir 1 min 57.279 sec
9. Marco Bezzecchi 1 min 57.328 sec
10. Alex Rins 1 min 57.351 sec
Add Comment