Mumbai, March 14 : Actor Alia Bhatt tu bisi successful film laga ekta hisa hoisey. Etu nimitey bisi manu khan para tai choose kora film ke loikina curious huwa tu natural asey. Forbes 30/50 Summit te Huma Abedin logotey kotha kurikina, Alia Bhatt para SS Rajamouli para taikey diya advice tu share kurisey.
Alia Bhatt laga first Tollywood(Telugu) movie tu 2022 laga film RRR thakisey. Kuntu te taikey Ram Charan laga opposite te pair kurisiley. Etu summit te kotha kurikina, Alia para koisey ki tai para film choose kora te director Rajamouli laga advice mangisey aro tai para ki koisey. Alia para koisey, “Ami para SS Rajamouli kea mi ki kisim laga film chunibo lagey kilemaney ami laga bhabna tu hodai bhak hoikina thakey. Tai para jawab te koisey, apni ki film kuribole chunisey koilebi eney morom para kuribi. Kilemaney etu film bhal nohoise koilebi audience para apni laga suku teapni ki kuri asey etu te bhal lagiya tu dikhibo aro taikhan etu logotey connect kuribo. Kilemaney, etu duniya te morom para agey barikina eku dangor nai.”
Alia para 2023 te first Hollywood film “Heart of Stone” kurisiley kuntu te Gal Gadot bi thakisey.
Add Comment