New Delhi, 12 May : Alia Bhatt French Riviera te Cannes Film Festival nimite pohunchijaishe aru tai laga first look bhi etiya ulaise. Beauty brand laga global ambassador hisab te attend korise, tai ekta structured corset ball gown pindhi dekhaise, aru accessories khan minimal rakhi ase.
Itu actor laga second time ase prestigious film festival te. Tai 2025 te nijor Cannes debut korise, aru etiya bhi red carpet te walk koribo.
Alia Bhatt laga presence logot aru ekta Instagram video bhi headlines bonaishe. Tai represent kora beauty brand post kora video te, Martinez hotel laga upor te Alia logot aru female actor khan laga poster unveil kora dekhaise. Kintu saal pora India te brand laga mukha hisab te thaka Aishwarya Rai Bachchan laga poster eku dekha napai. Itu exclusion dekhi upset fans khan comments section te jai reaction dise aru matter tu call out korishe. Brand etiya tak itu eku response diya nai.
Professional front te, Alia laga duita dangor film line-up te ase — Alpha, juntu Sharvari logot ase, aru Love & War, juntu tar husband Ranbir Kapoor aru Vicky Kaushal laga opposite te ase.
Add Comment