Bengaluru | March 12, 2023 19:36 IST : Alia Bhatt toh tai laka mota laka sobse notun film Tu Jhoothi main Makkaar ke khushi boa toh jonai tishe, kentu actor pora Sunday tin te tai laka noksa toh social media te share kurishe, aro tai laka t-shirt te film laka nam toh likhikena thakia laka lakai kena thakishe.
Alia pora tai laka post te likhishe, “ Movie toh bishi LUV-LY ase, kentu sobse sweetest jhoothi aro cutest makaar hobo. 💘💘💘 @luv_films @shraddhakapoor Congratulations you guys 🤩🤩.”
Tu Jhoothi Main Makkaar toh Luv Ranjan pora direct kura film ase aro film lead role te Shradha Kapoor bi ase.
Etu film toh March 8 , holi tin te release kura laka ase, aro opening tin te etu film toh Rs 15.73 crore nishena kamai kurishe, biche te next tui tin te kamai toh olop namishe, kentu Saturday tin te etu toh Rs 16.57 crore nishena kamai kurishe. etu kamai sob ke milai kena etia Rs 53.16 crore hoikena ase. Saturday tin laka kamai toh bhal thakishe, kentu aro Sunday tin laka kamai tohi aro bishi hobo nishena ase koikena trade analysts pora koishe,. hoilebi Sunday tin laka kamai toh Monday tin te jani jabo.
Add Comment