Mumbai, 4 October : Alia Bhatt laga bishi rukhi thakia film Alpha laga release date reveal kuri dishey. Ei film toh YRF Spy Universe laga first female-led film ase, aru Aditya Chopra pra produce kurishey. Friday din dey Yash Raj Films film laga release date announce kuri dise, official Instagram account dey post share kori. Ahi jaikina release date aru film related aro update kobo.
Makers khan sob preparations kuri thakise Alia laga fans karone Christmas gift dibi-bole, kintu ei gift to ei Christmas dey nahubo, ahia saal hobo. Etu nimite fans khan ke olop besi rukhiboley lagibo. Amikhan ke janai dibi, Alpha December 25, 2025 dey theatres te hit kuribo.
Bollywood superstar actress Alia Bhatt film dey lead role dey thakibo. Tai logot industry laga rising star Sharvari Wagh bhi thakibo. Duitha actress khan super agents laga role dey thakibo itu bishi rukhi kuria spy film dey, jun Shiv Rawail pra direct kuri ase. Eitu claim kora hoise je film dey bisi bhal action dekha jabo. Director aru producer khan audience laga entertainment ke ekta different level dey loi jabo karone hard work kori ase, aru film laga production dey no stone unturned kuri ase.Film Alpha jate Alia Bhatt aru Sharvari Wagh thakise, tinita bhasha dey release hobo. Ei dekha jabo je film to audience ke bishi scale dey entertain koribo karone prepare kori ase. Producers khan etu Hindi, Tamil, aru Telugu bhasha dey release koribo.
Add Comment