New Delhi, 5 May : Cinema duniya laga sabse dangor celebration, Cannes Film Festival 2026 etiya May maahor sesh pora start hobo, aru India pora jiman star aru filmmaker jabo, taikhan laga naam etiya dhire dhire bahar ahi ase. Bollywood pora regular face Aishwarya Rai Bachchan, jun duita decade pora besi time dhori Cannes te jai thake, aru ekbar red carpet te uthibo. Tai L’Oréal laga global ambassador hisab te jabo. Itu logote Alia Bhatt bhi jaa saal debut pichete festival te ghuri ahibo. Notun entry hisab te Tara Sutaria Cannes red carpet debut koribo, tai laga upcoming film Toxic release age. Itu logote Karan Johar, Mouni Roy aru Pooja Batra bhi attend koribo kuina expect kori ase. India official delegation te Ashutosh Gowariker represent koribo, juntu etiya International Film Festival of India (IFFI) director hisab te ase. Regional cinema bhi bisi strong presence dikhabo: Punjabi cinema first time Cannes te jabo, Ammy Virk aru Roopi Gill logote Chardikala loi. Marathi cinema pora Ashok Saraf aru Nivedita Saraf, aru Prajakta Mali traditional attire te red carpet te uthibo Gujarati cinema pora Mansi Parekh aru Parthiv Gohil attend koribo
Malayalam cinema pora Chidambaram nijor film Balan: The Boy Cannes market te showcase koribo Itu bar India pora ekdom diverse group jabo, alag-alag industry pora artist khan represent koribo. Cannes Film Festival duniya laga sabse prestigious film festival khan majot ekta, juntu French Riviera te hotai saal summer te hoi. Duniya bhar laga star, filmmaker aru notun talent khan etiya ahibo, premiere, screening aru competition te part lobo. Kintu itu saal ekta interesting kotha hoise—dangor Hollywood studio khan etiya Palme d’Or race te bisi include nohoi. Cannes Film Festival 2026 May 12 pora 23 tak cholibo.
Add Comment