New Delhi, 27 September : Alice in Borderland laga latest season ekta suspenseful note te finish hoise, aru agey te aru dangor action aru drama ahibo lage koi promise kori dise. Netflix laga itu sci-fi drama September 25 te release hoise.
Itu story ekta parallel universe te set kori dise kutey lead character Arisu aru Usagi khan ‘Borderland’ te life-threatening challenge khan face koribo lagey. Itu series Japanese manga para base kori kora ase, Screenrant report kori se.
Season 3 te lead character khan married couple hisab te ekta happy life bachi thaki thakise, aru Usagi tai laga first child expect kori thakise. Kintu tai khan laga marital bliss sudden break hoijai, jetiya Usagi wapas Borderland te jayi, aru tai laga husband bhi tai logot follow kori jai, Time Magazine report kori se.
Dui jonalag kori dija jai aru survival karon alag-alag team join koribo lage. Usagi pregnant thaka karone aru husband ta laga chinta kori thaka karone deadly challenge khan navigate kori thaka time te, season gripping pace te unfold kori viewers khan ke full time interest te rakhi dise.
Season laga climax te Usagi ekta deadly game te fasijai, kutey 16 rooms complex para exit route find koribo lage. Usagi ekta dangor dilemma te thaki jai, karon ta ke escape route find koribo lage aru unborn child laga care bhi koribo lage. Tai majot, ekta catastrophic flood Usagi ke sweep kori lija, kintu tai laga husband tai ke save kori dise. Aru twists ahibo lagi jai, kutey ekta mysterious figure Arisu logot ekta dangerous game te jori dise—duita card thaki thakise, aru duita bhi Joker hoi jaise. Last te, couple wapas Tokyo ahibo te manage kori aru normal life resume kori dise.
Season danger laga sign te finish kori dise, karon world earthquake para hilijai thaka dekha dise aru scene Los Angeles te shift hoijai. Itu dekha dise ki agey te season thakile bhi, itu Japan bahar te set korey, Time report kori se.
Add Comment