June 9, 2021. Tuesday din Aligarh police para Naurangabad Primary Health Centre (PHC) te vaccine vials hari-jowa nemite case registered korishe. Aligarh laga CO City, Raghvendra Singh para koishe ke, “Health Department’s official para Naurangabad, Primary Health Centre te COVID vaccines vials hari jowa nemite complaint filed korishe.” Tai para aro koishe, Gandhi Park police station te alag-alag section pithor te case toh registered korikena investigation jai ase aro khobor toh roki ase janaishe. Etu samai, Uttar Pradesh te COVID-19 caseload toh Tuesday din dak te 16,99,787 te othishe aro notun 797 bemari cases paishe. Bemar para aro notun 94 jun mora nemite sob melaikena 21,425 morikena ase. Lucknow te bemari cases sobse besi 50 khobor paishe, etu beche Pilibhit te 33 cases, Gorakhpur te 31 cases, Varanasi te 29 cases, Kanpur Nagar te 27 cases, Meerut te 25 cases, Siddharthnagar te 24 cases, Kushinagar te 23 cases, Allahabad te 22 cases, Ghaziabad te 21 cases aro Muzaffarnagar aro Gautam Buddh Nagar te 20 cases ase koikena, health department bulletin hesab te khobot toh janaishe. Notun mora khobor te Kanpur Nagar te 15 jun morishe, Gorakhpur te 9 jun, Agra, Mathura aro Unnao te 5 jun, Jhansi, Hardoi aro Amroha te 4 jun, Lucknow, Meerut, Allahabad aro Shahjahanpur te 3 jun, Varanasi, Kushinagar, Bulandshahr, Lakhimpur Kheri, Pilibhit, Hapur aro Auraiya te 2 jun aro Gautam Buddh Nagar, Rae Bareli, Ghazipur, Barabanki, Maharajganj, Moradabad, Mirzapur, Bhadohi, Fatehpur aro Kanpur Dehat te 1 jun morishe koishe.
Add Comment